الفرق بين البانيل VA و IPS تختار مين فيهم ؟؟

لو بتفكر تشتري شاشة وقدامك شاشة VA وشاشة IPS هتختار ايه ؟

بشكل مختصر هنوضحلك الفرق بين الاتنين والمميزات لكل شاشة والاستخدام الانسب ..

اولاً يعني ايه VA و IPS ؟

دي بتكون انواع اللوحه الخاصه بالشاشة اللي بتعرضلك الصورة وبالتالي دي بتكون الجزء الاساسي في الشاشة .

ولو الشاشة بتاجي بلوحة او PANEL VA هنا هتكون نسبة التباين واضحة جداً مقارنة بباقي انواع اللوحات يعني الفرق بين الضوء والظلام واضح جداً ، ودا يخلي الشاشات الـ VA الخيار الانسب للالعاب والاستخدام المنزلي او بتشتغل في بيئة الاضاءة فيها خافتة او لو محتاج شاشة منحنية لشغلك .

ولو الشاشة يتاجي بلوحة او PANEL IPS هنا هيكون نطاق الالوان اعلي من باقي انواع اللوحات

يعني الصورة المعروضه علي الشاشة هتكون اكثر حده واكثر واقعية ، ودا يخلي الشاشات الـ IPS الخيار الامثل للالعاب وشغل الجرافيك والاعمال اللي بتعتمد علي تغطية لونية واسعة .